په پاکستان کې د امام حسین (ع) کلتوري مرکز پرانیستل شو(انځورونه)
ایکنا نیوز د حسیني آستان د ارتباطاتو د مرکزله قوله راپور ارکړی، په پاکستان کې د امام حسین (ع) کلتوري مرکز د «الکوثر» اسلامي پوهنتون په ملګرتیا سریه خپل فعالیت پیل کړی دی.
د دغه مرکز د پرانیستلو دستورې په پاکستان کې د آیتالله العظمي سیدعلي سيستاني د استازي شیخ انور نجفي، له خوا، او د روحانیونو، روڼ اندو ، پوهنتوني استادانو او د ټولنې د ډيرو پرګنو په پراخ ګډون سره چې له مختلفو مذهبونو او مکتبونو څخه وو، ترسره شول.
په دې مراسمو کې، د اسلامي مذهبونو ترمینځ د سولهییزې ملګرتیا د اهمیت په اړه د امام حسین (ع) د یووالي او تساهل دعوت څخه الهام اخستونکې څېړنیزې مقالې وړاندې شوې.
د حسیني آستان استازی، شیخ علي القرعاوي، په دې مراسمو کې پخپلو خبرو کې ټینګار وکړ: حضرت امام حسین (ع) د امت یووالي او له تفرقې څخه د ډډه کونې ته بلنه ورکړې او کربلا ئې د بشريت او ملتونو ترمنځ د همغږۍ مناره ګرځولې .
په پاکستان کې د آیتالله سيستاني استازی ، شیخ انور نجفي، هم د حسیني آستان پلاوي ته ښه راغلاست ووایه او د دې ادارې د دوامدارو هڅو له امله چې د مينې او سولې کلتور د نړۍ په ګوټ ګوټ کې خپروي، قدرداني وکړه. په دوام کې،د حسینی آستان د بشري مرستو او خدمتونو پروژو په اړه مستند فلمونه نندارې ته وړاندې شول.
د حسیني آستان د رسنیو برخې مشر، استاد عباس الخفاجي،هم په یولړ خبرو کې د دې مرکز د جوړولو په مناسبت ویاړ څرګند کړ او وې ویلي: دا مرکز به د آستان او د پاکستان د خلکو ترمینځ د کلتوري او رسنیزو اړیکو لپاره یو پل وي.
په پاکستان کې د حضرت امام حسین (ع) کلتوري مرکز د پرانیستلو مراسم د یوه مستند فلم په وړاندې کولو کې چې د حسيني اربعین زیارت او د امام حسین (ع) زائرینو ته وړاندې شوي خدماتو په اړه و، په داسې فضا کې چې له تعامل څخه ډک او پراخ ګډون ؤ، پای ته ورسېدل.
https://iqna.ir/fa/news/4312566
